Ես ձեզ կարամ նենց ավելի ուժեղ նկարներ ղրկեմ կամ անուններ տամ․ Հրանտ Տեր–Աբրահամյան
Հրանտ Տեր–Աբրահամյանը ֆեյսբուքյան իր էջում գրել է․
«Մի բան էլ ի հավելում նախորդ գրածիս:
Էս մի երկու տարի է նոր հզոր կոմպրոմատ են գտել իմ դեմ:
Մի նկար կա, որտեղ ես եմ Մարտականի տղերքի հետ, ու մյուս կողմից Դանիելյան Արթուրն է իր տղերքի հետ:
Վերջ, դե բացահայտեցիք ինձ: Ես էլ, որ ուզեք թաքցնել էդ նկարը, երևի ձևը չգիտեմ:
Ուրեմն, սիրելիներս և ոչ սիրելիներս:
Ես 47 տարեկան տղա եմ:
Հոգով, իհարկե, նույն 20 տարեկան երիտասարդն եմ, բայց դե փաստով մոտ 30 տարվա ակտիվ հանրային ու քաղաքական շփման կենսագրություն ունեմ:
Ես ձեզ կարամ նենց ավելի ուժեղ նկարներ ղրկեմ կամ անուններ տամ, ում հետ եմ շփվել՝ մեկ-երկու անգամից մինչև ինտենսիվ շփում, որ աչքերդ բացուխուփ անեք: Թե չէ ընկել եք մի նկարի վրա, երկու տարի ուրիշ ավելի հետաքրքիր բան չեք կարում ճարեք:
Ինչ ասեմ, սկսե՞մ թվարկել, բայց հաստատ բոլորին չեմ հիշի:
Ես ծանոթ եմ Ժիրայր Սեֆիլյանի հետ՝ 2000 թվականից: (էդ ա էլի, շուտ իմանայիք, սաղ հասկանայիք):
Իմ ընկերն է եղել հետագայում Հանրապետականում Սերժի տեղակալ Մուշեղ Լալայանը: Երբեք չենք ուրացել մեր ընկերությունը, չնայած տարբեր տեղեր է մեզ տարել ճակատագիրը:
Մոտավորապես էդ նույն ժամանականից ես ծանոթ եմ եղել Աշոտ Մանուչարյանի հետ:
Հետագայում շփվել եմ Ղարաբաղ կոմիտեի շատ այլ անդամների հետ՝ Սամսոն Ղազարյան, Ալեքսան Հակոբյան, Սամվել Գևորգյան, Բաբկեն Արարաքցյան, Լևոն Տեր-Պետրոսյան: Ամեն մեկից մի բան սովորել եմ:
Ի դեպ, հա, Լևոնից շատ բան եմ սովորել: Կարող եմ մի օր թվարկել: Գաղափարական մենք տարբեր ենք և մեծ հաշվով միշտ էլ եղել ենք: Բայց քաղաքականության արվեստ և քաղաքական վելուծություն սովորելու համար ավելի ավ վարպետ գուցե չկա Հայաստանում:
Ես շփվել են նաև Մանվել Սարգսյանի հետ, ցավոք՝ Իգոր Մուրադանի հետ շատ քիչ:
Նիկոլ Փաշինյանի հետ ծանոթացել եմ 2006-ին:
Նույն թվից եմ ճանաչում Շանթ Հարությունյանին:
Նաև՝ Միքայել Հայրապետյանին:
Հաաա, Աշոտյանին հիշում եմ դեռ ուսանողական տարիներից՝ Չտո, Գձե, Կագդայից: Էդ ժամանակ իմ ընկերն է եղել նաև Փիղը՝ Տիգրան Քոչարյանը:
Քանի հիշել եմ՝ 2019-ին ես Սամվել Ֆարմանյանի հետ հաղորդումների շարք եմ նկարել: Մոռացել եք, լավ չեք աշխատում:
Էսօրվա նախագահ՝ Վահագն Խաչատրյանին ճանաչում եմ նույնպես 2006-07 թվականներից:
Չեմ թվարկում, թե էսօրվա իշխող թիմից քանի մարդ եմ ճանաչում: Բոլորին չէ, բայց շատ-շատերին եմ ճանաչել: Մեկի հետ ավել, մեկի հետ պակաս շփվել: Եթե շատ ուզենաք, մի օր առանձին ցուցակ կազմեմ:
Ճիշտն ասած, արդեն չգիտեմ ում էլի հիշեմ, ու ինչ կարգով:
Օրինակ, Ավետիք և Վահան Իշխանյանների հետ՝ 2006-07 թվերին բավականին հաճախ եմ շփվել:
Արման Բաբաջանյանին գիտեմ մոտավորապես 2005-ից:
Բնականաբար Հայ Ազգային Կոնգրեսում եղած ակտիվի մեծ մասին եմ ճանաչում ու շատերի հետ ընկեր եմ եղել:
Լուրջ էլ ձանձրանում եմ շարունակել:
Ում չեմ հիշել, թող չնեղվի
Գուցե նաև նեղվեն նրանցից ոմանք ում հիշել եմ:
Բայց ես չգիտեմ, թե ինչպես կարող է կյանքի մեծ մասը Երևանում ապրած ու արդեն 47 տարեկան տղան, որը միշտ հանրայնորեն ակտիվ է եղել գոնե էսքան մարդու հետ շփված չլինի:
Ընդ որում՝ ինձնցի շատ ավելի շփվածներ կան, ես հաստատ չեմպիոնը չեմ:
Թե չէ ընկել եք մի նկարի հետևից:
Տեսեք ինչքան հետաքրքիր ինֆորմացիա տվեցի ձեզ:
Մի ամաչեք, գրեք, թե պետք լինի էլի կտամ:
Բայց էն էլ ասեմ, որ նույնիսկ մարդուն սևացնելու գործում պետք է մի քիչ ավելի պրպտող լինել: Էս մեկը ձեզ փեշքեշ, բայց ձեր փոխարեն էս գործն էլ հո չեմ անելու»:
Կարծիքներ