Թուրքիան՝ Կիևի հարցով խորհրդակցությունների հաջորդ հարթա՞կ

Սաուդյան Ջիդդում կայացած հանդիպումից հետո Թուրքիան կարող է ընդունել Ուկրաինայի հարցով խորհրդակցությունների երրորդ փուլը։

Այս հնարավորության մասին գրում է Hurriyet թերթը՝ նշելով, որ հաջորդ հանդիպումը նախատեսված է հոկտեմբերին։ 

Ըստ թուրքական հրատարակության, Անկարան լիակատար աջակցություն է ցուցաբերում այս նախաձեռնություններին, այդ թվում՝ այն ​​պատճառով, որ Թուրքիան այն երկիր է, որը «կարող է բաց և հստակ խոսել հակամարտության բոլոր կողմերի հետ»:

Մասնավորապես, Ջիդդում Թուրքիան հայտարարեց, որ հացահատիկի գործարքի համատեքստում «անհրաժեշտ է ցույց տալ, որ որոշակի քայլեր կձեռնարկվեն Ռուսաստանի Դաշնության նկատմամբ»։ 
Բացի այդ, թուրքական կողմը, ըստ Hurriyet-ի, Սաուդյան Արաբիայի խորհրդակցությունների վերջին փուլի ժամանակ պնդել է, որ «առանց Ռուսաստանի ներգրավման կարգավորման գործընթացում ոչ մի արդյունքի հնարավոր չէ հասնել»։ 

Նմանատիպ դիրքորոշում է որդեգրել նաև Չինաստանը։ Գերմանիան, իր հերթին, կարծում է, որ ներկա փուլում Ռուսաստանի ընդգրկումը խորհրդակցությունների այս ձևաչափում սխալ է, և Մոսկվան կարող է դրան միանալ «ճիշտ պահին»՝ դրա համար պայմաններ ստեղծելուց հետո։