Ուկրաինայի զինված ուժերը Սև ծովի մոտ «Բայրաքթարներով» ուսումնական վարժանքներ են իրականացրել
Ուկրաինայի ԶՈՒ ստորաբաժանումները Սև ծովի մոտ՝ Խերսոնի ծովափում անցկացրել են ուսումնական վարժանքներ, որոնց նպատակը թուրքական Bayraktar TB2-ի գործածության մեջ հմտանալն է։ Այս մասին հաղորդել է Ուկրաինայի Պաշտպանության նախարարության
«Արմիա ինֆորմ»-ը։ Գործակալության տվյալներով՝ ուսումնավարժանանքերի ընթացքում «Bayraktar TB2»-ը Ուկրաինայի ցամաքային հատվածից թռել է Թենդրովյան կղզու ուղղությամբ և կատարել դրված առաջադրանքները։
Հիշեցնենք, որ նախորդ տարվա դեկտեմբերին Ուկրաինայի Պաշտպանության նախարարությունը հայտարարել էր թուրքական կողմի հետ ուկրաինական բանակի կարիքների համար հարվածային կորվետների արտադրության մասին համաձայնագիր կնքելու մասին։ 2019 -ին Կիևը գնել եւ փորձարկել էր «Բայրաքթարներ»։ Ոչ պաշտոնական տվյալներով՝ այս գործարքի արժեքը 69 միլիոն դոլար է։
Կարծիքներ