Գործերից հրաժարվելու համար ժամանակին դամբուլի ծառ էլ էին բարձրանում

Երեկ  Բարձրագույն դատական խորհրդի նիստին Խորհուրդը, հանդես գալով որպես դատարան, դատավորի միջնորդության հիման վրա դռնփակ կարգով քննել է ՀՀ դատավորների ընդհանուր ժողովի կարգապահական հարցերի հանձնաժողովի կողմից ներկայացված միջնորդությունը՝ Երևան քաղաքի առաջին ատյանի ընդհանուր իրավասության դատարանի դատավորներ Նելլի Բաղդասարյանին, Հարություն Մանուկյանին կարգապահական պատասխանատվության ենթարկելու հարցը լուծելու վերաբերյալ: Վարույթի նյութերի հետազոտումից և նիստին մասնակցող անձանց ամփոփիչ ելույթները լսելուց հետո Խորհուրդը հարցերի քննությունը հայտարարել է  ավարտված և հեռացել որոշում կայացնելու, որը կհրապարակվի մայիսի 8-ին։ Մեկ այլ դատավորի՝ Դավիթ Մանուկյանի մասին ԲԴԽ հաղորդագրության մեջ չկա։

Դատավորների դեմ կարգապահապական վարույթներ հարուցելու մասին նշվում է կոնֆիդենցիալ, հիմքերը չեն ներկայացվում, սակայն ըստ մամուլի՝ պատճառն այն է, որ  դատավորները հրաժարվել են քննել 2-րդ նախագահի գործը։ Ավելի վաղ գրվել էր նաև, որ նախկինում՝ Մարտի 1-ի գործով քննչական խմբի ղեկավար, իսկ այժմ մարտի 1-ի գործով մեղադրյալ Վահագն Հարությունյանի նկատմամբ կալանքը խափանման միջոց ընտրելու միջնորդության քննարկման գործով երկու դատավոր է փոխվել. Նելլի Բաղդասարյանը և Վարդան Գրիգորյանը ինքնաբացարկ էին հայտնել, և գործը բաժին է ր հասել Արտուշ Գաբրիելյանին: 

ՀՀ օրենսդրությունն արգելում է դատավորներին արդարադատություն իրականացնելուց և դրա համար նախատեսվել է ինքնաբացարկի ինստիտուտը։մ Ըստ որում՝ պատճառաբանված և հիմնավորված։ 

Նշենք, որ կարգապահական պատասխանատվությունը ենթադրում է՝ նկատողությունից, աշխատավարձի ինչ-որ մասից մինչև դատավորի լիազորությունների դադարեցում։

Հիշեցնենք, որ սա նոր երևույթ չէ, և օրինակ ժամանակին, երբ մարտիմեկյան քաղբանտարկյալների գործերը մտնում էին դատարաններ, շատ դատավորներ  ևս հրաժարվում էին։ Անգամ մի պատմություն է հայտնի, թե ինչպես Սմբատ Այվազյանի գործի դատաքննությունից հրաժարող Գագիկ Ավետիսյանի պահանջվել է ոտքի ռենտգենը, երբ վերջինս ասել է, թե վատառողջ է՝ դամբուլի ծառից վայր է ընկել, ոտքը կոտրել։ Այստեղից էլ, ի դեպ, մնաց նրա՝ «Դամբուլ» մականունը։