Բայդենին մեղադրել են ԱՄՆ-ն պատերազմի մեջ ներքաշելու մեջ
ԱՄՆ նախկին նախագահ Դոնալդ Թրամփը կարծում է, որ Սպիտակ տան ներկայիս վարչակազմը երկիրը ներքաշել է ռազմական հակամարտության մեջ։ Այս մասին նա հայտարարել է Օրլանդոյում տեղի ունեցած ԱՄՆ պահպանողականների կոնֆերանսի ժամանակ ունեցած իր ելույթի ընթացքում։
Թրամփը մասնավորապես ասել է, որ այն պահին, երբ ինքն արդեն հեռանալիս է եղել նախագահի պաշտոնից, ԱՄՆ-ն փաստացի ավարտած է եղել անվերջանալի պատերազմները, ինչպիսին օրինակ Աֆղանստանի 19 տարի տեւած հակամարտությունն է։ Թրամփը նշել է, որ այնտեղ ամերիկյան ռազմական ներկայությունը փաստացի իջեցվել է զրոյականի, սակայն այժմ լսել է, որ նոր վարչակազմը ցանկանում է հետ վերադառնալ։
Թրամփն արձանագրել է, որ անցյալ տարվա ընթացքում ոչ մի ամերիկացի զինվորական չի զոհգվել Աֆղանստանում։ Թրամփը գովեստով է խոսել նաեւ այն մասին, որ կարողացել է Մերձավոր Արեւելքում հասնել խաղաղ համաձայնագրերի կնքման։ Իսկ ահա գործող վարչակազմը հայտարարել է, որ այն բանից հետո, երբ ԱՄՆ-ն կհամոզվի, որ թալիբները կատարել են խաղաղության համաձայնագրի իրենց հանձնառությունները, համաձայնագիր, որը ստորագրվել էր անցյալ տարի փետրվարի վերջին Դոհայում, նոր կմտածի Աֆղանստանից իր զորքերի հետագա դուրս բերման մասին եւ քայլեր կձեռնարկի այդ ուղղությամբ։
Կարծիքներ