ԵՄ-ն ՌԴ-ի դեմ պատժամիջոցների հոբելյանական փաթեթ է մշակում․ Reuters
Hraparak
14 Հունվար 2023 | 15:45
0
ԵՄ-ի հակառուսական պատժամիջոցների նոր փաթեթը կարող է պատրաստ լինել փետրվարի վերջին։
Այս մասին հայտնում է Reuters գործակալությունը՝ հղում անելով ԵՄ երկրների դիվանագետներին։
«Նրանք հայտարարել են, որ Ռուսաստանի կողմից Ուկրաինա ներխուժելուց ի վեր ԵՄ պատժամիջոցների 10-րդ փաթեթը պետք է պատրաստ լինի մինչև փետրվարի 24-ը», - նշում է գործակալությունը:
Ակնկալվում է, որ պատժամիջոցների փաթեթը կարող է ներառել սահմանափակումներ միջուկային ոլորտի, բանկային հատվածի և ռուսական լրատվամիջոցների նկատմամբ։
Հիշեցնենք, որ Եվրամիությունը հակառուսական սանկցիաների նախորդ փաթեթն ընդունել է 2022 թվականի դեկտեմբերի 16-ին։
Կարծիքներ