Գազայից շարունակվում են հրթիռներ արձակվել դեպի Իսրայել․ զոհերի մեջ պաշտոնյաներ կան
Գազայի հատվածում գործող պաղեստինյան խմբավորումները տասնյակ հրթիռներ են արձակել Թել Ավիվի ուղղությամբ։ Այս մասին հայտնում է Al Hadath հեռուստաալիքը։
Թել Ավիվի տարածքում և Իսրայելի կենտրոնում կրկին օդային տագնապի ազդանշաններ են հնչել, հայտնում է իսրայելական բանակի մամուլի ծառայությունը։
Իսրայելական ԶԼՄ-ները հայտնում են, որ ՀԱՄԱՍ-ի հարձակման հետևանքով, վերջին տվյալներով, զոհվել է առնվազն 150 իսրայելցի, վիրավորվել է առնվազն 1000 մարդ։
Հաղորդվում է նաեւ, որ Իսրայելի կառավարությունը կդադարեցնի Գազայի հատվածի էլեկտրամատակարարումը։ Իսրայելը ապահովում է այդ հատվածի էլեկտրաէներգիայի կարիքների մոտ երկու երրորդը, գրում է իսրայելական Haaretz թերթը։
Այսօրվա մարտերի ժամանակ սպանվել է Ռահաթ քաղաքի ոստիկանապետը։ Այս մասին հայտնում է Իսրայելի պետական Kan Bet ռադիոն։ Ռահաթի ոստիկանապետից բացի հայտնի է դարձել նաև Նետիվոտ քաղաքի հրշեջ ծառայության պետի և Շաար Խա-Նեգևի տեղական խորհրդի ղեկավարի մահվան մասին։
Կարծիքներ