Էրդողանն ասել է, որ Մակրոնը «հոգեբույժի կարիք ունի»
Թուրքիայի նախագահ Ռեջեփ Թայիփ Էրդողանն այսօր ասել է, որ Ֆրանսիայի նախագահ Էմանյուէլ Մակրոնը «հոգեբույժի կարիք ունի»։
Reuters-ի հաղորդման համաձայն, այսօր Կայսերիում ելույթ ունենալով իշխող կուսակցության մարզային հավաքի ժամանակ, Էրդողանն անդրադարձել է Մակրոնի վերջին հայտարարություններին՝ Ֆրանսյիայում իսլամական անջատողականության դեմ պայքարելու մասին։
«Ի՞նչ խնդիր ունի այդ Մակրոն կոչվածը մահմեդականների եւ իսլամի հետ։ Նա հոգեբույժի կարիք ունի։ Էլ ինչ կարելի է ասել պետության ղեկավարի մասին, որը չի հասկանում կրոնական ազատությունը եւ այդպես է վարվում իր երկրի միլիոնավոր քաղաքացիների հետ, որոնք այլ հավատք ունեն», - ասել է Թուրքիայի նախագահը։
Կարծիքներ