Վերաքննիչը կրկին կքննի Քոչարյանի խափանման միջոցի հարցը. Վճռաբեկը որոշում կայացրեց (տեսանյութ)

Վճռաբեկ դատարանը քիչ առաջ հրապարակեց Ռոբերտ Քոչարյանի եւ դատախազության բողոքների վճիռը։ Ըստ այդմ` Վճռաբեկը մերժեց պաշտպանական կողմի բողոքը, մինչդեռ մասնակի բավարարեց դատախազության բողոքը` Քոչարյանի խափանման միջոցի հարցը ուղղարկելով Վերաքննիչ քրեական դատարան վերաքննության։



Վճռաբեկն այսօր քննում էր 2 բողոք․ պաշտպանական կողմը բողոքարկել էր Վերաքննիչի որոշումը՝ Քոչարյանին անձեռնմխելիության հիմքով ազատելու վերաբերյալ` նշելով, որ հաշվի չեն առնվել մի շարք այլ կարեւոր հանգամանքներ։ Դատախազությունը եւս բողոքարկում էր Վերաքննիչի նույն որոշումը` պահանջելով, որ այն ամբողջությամբ բեկանվի եւ ուժի մեջի մտնի Առաջին ատյանի որոշումը։ Հիշեցնենք` առաջին ատյանը Քոչարյանի նկատմամբ խափանման միջոց էր ընտրել կալանավորումը։



Հիշեցնենք նաեւ, որ ՀՀ երկրորդ նախագահ Ռոբերտ Քոչարյանին մեղադրանք է առաջադրվել «Մարտի 1» -ի գործի շրջանակներում՝ ՀՀ քրեական օրենսգրքի 300.1-ին հոդվածի 1-ին մասով՝ այլ անձանց հետ նախնական համաձայնությամբ Հայաստանի Հանրապետության սահմանադրական կարգը տապալելու մեջ: Աննա Պապիկյան