Ռեկորդային թվով մարդիկ են դուրս եկել փողոց. Մոդեստ Կոլերով

Ռուսական REGNUM լրատվական գործակալության գլխավոր խմբագիր Մոդեստ Կոլերովը գտնում է, որ Հայաստանում փողոցային բողոքի ցույցերին դուրս եկած մասնակիցների թիվը ռեկորդային է եւ ամեն գործիչ չէ, որ կարող է այդքան մարդ հանել փողոց:



«Դա լուրջ եւ պատասխանատու պետական գործչի արարք էր: Ճիշտ քայլ, քանի որ նման քանակի մարդ հանել փողոց`ժողովրդական բողոքի ցույցի, ամեն մարդ չէ, որ կարող է անել: Դա հայաստանի համար ռեկորդ է: Ես հիշում եմ 80-ական թթ: Կարող եմ ասել, որ այսքան մարդ այն ժամանակ էր դուրս եկել փողոց եւ հիմա ընդդեմ Սերժ Սարգսյանի», — РУСАРМИНФО-ի հետ զրույցում ասել է Մոդեստ Կոլերովը, մեկնաբանելով Հայաստանում տեղի ունեցած թավշյա հեղափոխությունը: Նա նաեւ ասել է, որ Սերժ Սարգսյանը տեսել է մարդկանց թիվը, հասկացել, որ կորցրել է լեգիտիմությունը եւ որոշել հրաժարական տալ: