![Արամ Հարությունյան](/images/2010/08/MHM46039-copy-e1281345592782-400x249.jpg)
Բնապահպանության նախարարության բնապահպանական տեսչության նախկին պետի եւ նրա տեղակալի նկատմամբ կաշառակերության մեղադրանքով կայացված դատավճռից (7 եւ 10 տարի ազատազրկում) հետո լուրեր են շրջում, թե բնապահպանության նախարար Արամ Հարությունյանը պաշտոնանկ է արվելու: Ըստ որոշ լրատվամիջոցների, Արամ Հարությունյանից դժգոհություն ունեցող Սերժ Սարգսյանը պատեհ առիթ էր փնտրում, եւ այդ առիթը հենց վերոնշյալ դատավճիռն է: Իրականում, մեզ հասած տեղեկություններով, "Օրինաց երկիր" կուսակցությունը տեւական ժամանակ է՝ իր առաջ խնդիր է դրել ետ վերադարձնել բնապահպանության նախարարի պորտֆելը, եւ այդ կապակցությամբ երկար ժամանակ է՝ բանակցություններ են գնում Սերժ Սարգսյանի հետ: Այս քայլը նաեւ տեղավորվում է Արամ Հարությունյանին պատժելու կոնտեքստում. նա այն անձանցից է, որոնք ժամանակին լքեցին ՕԵԿ շարքերը՝ պաշտոնը պահպանելու նպատակով: Իսկ Արթուր Բաղդասարյանը, ասում են, իրեն դավաճանողներին չի ներում:
Կարծիքներ