Դատապարտում են
hraparak
12 Ապրիլ 2012 | 14:01
0
Ներկայացնում ենք Խաղաղասիրական նախաձեռնությունների Կովկասյան կենտրոնից Գյումրիում ահաբեկչության քարոզչության հետ կապված հայտարարությունը՝Ադրբեջանական ֆիլմերի «STOP» փառատոնի դեմ հերթական զրպարտության քարոզարշավն է կազմակերպվել: Ապրիլի 11-ին Գյումրիում ԶԼՄ-ների միջոցով մասսայական միտինգի ընթացքում տարածվել է սուտ տեղեկատվություն փառատոնի ծրագրի մեջ մտած ֆիլմերի նպատակների վերաբերյալ: Կառավարության և հասարակական գործիչների կողմից հնչել են սպառնալիքներ, օրենքի խախտման գնով փառատոնի անցկացումը թույլ չտալու մասին:
Նրանց ելույթները բռնություն էին հրահրում փառատոնի կազմակերպիչների, փառատոնի անցկանման վայրի, որը լրագրողական «Ասպարեզ» ակումբն էր, և այն մարդկանց նկատմամբ, ովքեր կայցելեին ֆիլմերի ցուցադրությանը:
Հիմնվելով փառատոնի դեմ բողոքի ցույցը լուսաբանող հայաստանյան ԶԼՄ-ների վիդեոտեսագրությունների և ականատեսների վկայությունների վրա՝ հայտարարում ենք, որ փառատոնի շուրջ ստեղծված կեղծ լարվածության պատճառով, հնարավոր են պրովոկացիաներ և բռնության գործադրում փառատոնի կազմակերպիչների և մասնակիցների նկատմամբ, ինչի պատասխանատվությունն անձամբ կրում է Գյումրու քաղաքապես Վարդան Ղուկասյանը, ում ղեկավարությամբ են իրականանում ահաբեկչության քարոզչական ակցիաները:
Կարծիքներ