Փետրվարի 18-ին ժողովուրդը ոչ ասած քրեաօլիգարխիկ վարչախմբին
Ժողովրդական արժեքները ձեւականորեն որդեգրած երկրում ինչպես եւ սպասվում էր, տեղի ունեցան այս իշխանության ձեռագրին հարիր ընտրական գործընթացներ, որը բուռն դատապարտվեց ԱԺ ամբիոնից: Այս մասին երեկ խոսեց նաեւ ՀԺԿ առաջնորդ, ՀԱԿ խմբակցության պատգամավոր Ստեփան Դեմիրճյանը, ով առողջական խնդիրների պատճառով հաճախ չի մասնակցում նիստերին. «…Փետրվարի 18-ին մեր հասարակությունը մերժեց գործող վարչախմբին, այն վարչախմբին, որի կառավարման տարիներին աճել է աղքատությունն ու արտագաղթը: Փետրվարի 18-ին ոչ ասած ժողովուրդը քրեաօլիգարխիկ համակարգին երկրում առկա կեղծիքին եւ վերատիրացավ իր արժանապատվությանը: 18-ին ընտրությունները եւ դրան հաջորդող իրադարձությունները շատ հստակ ցույց տվեցին, որ մեր ժողովուրդը մտադիր չէ նվաստացած ապրել իր երկրում եւ թույլ չի տա բռնանալ իր կամքին, մարդիկ փոփոխություններ են պահանջում: ՀԺԿ- ն ինչպես միշտ կլինի ժողովրդի կողքին ու կշարունակի պայքարել հանուն արդարության ու արժանապատվության հաղթանակին»: Միայն ԲՀԿ-ականներն էին, որ ընդհատակ էին անցել, իսկ ովքեր խոսեցին ինչ-որ անհասկանալի ենթատեքստերով ու ակնարկներով հայտարարություններ էին անում, որ միայն նրանք, ում ուղղված էին տեքստերը հասկանան: ՀԱԿ խմբակցությունը բոյկոտել էր նիստը: Դաշնակցականները հանդես եկան կեղծված ընտրությունները դատապարտող ելույթներով: Իսկ ՀՀԿ-ի կույրաղիք հանդիսացող ՕԵԿ-ը իրեն պահեց իր բնորոշմանը հարիր: Դե «ժառանգականները» ամբիոնի մոտ շարունակեցին միտինգը, որի ժամանակ Աժ նախագահ Հովիկ Աբրահամյանն ու իր «կողակիցները» անկեղծորեն զվարճանում էին:
Գայանե Սարիբեկյան
Գայանե Սարիբեկյան
Կարծիքներ