Համլետ Հարությունյան. Րաֆֆի Հովհաննիսյանը բարոյական իրավունք չունի կասկածի տակ դնել մեր ընտրությունները
hraparak
1 Մարտ 2013 | 08:10
0
Աժ պատգամավոր, «Արցախ» հայրենակցական միության նախագահ Համլետ Հարությունյանն այսօր լրագրողների հետ հանդիպման ժամանակ խոսեց ավարտված ընտրությունների, երկրում սպասվող ներքին ու արտաքին զարգացումների մասին:Նա ցավակցեց Մարտի մեկի զոհերի հարազատներին: Համլետ Հարությունյանի կարծիքով Մարտի մեկը բոլորիս անհեռատես քաղաքականության հետեւանքով տեղի ունեցավ եւ հավասարապես մեղավոր ենք բոլորս: Ըստ նրա՝ բոլոր տեսակի քաղաքական ճգնաժամերը հղի են անկանխատեսելի հետեւանքներով: Էլ երբեք Մարտի մեկ մեր ժողովրդի պատմության մեջ չպետք է լինի:
Բանախոսի կարծիքով, յուրաքանչյուր քաղաքացի սպասում է, որ իշխանություն-ընդդիմություն երկխոսությունը ավարտվի հաջողությամբ: Մեր երկիրն ունի արտաքին ագրեսիայի վտանգ: Այս պարագայում մեր ժողովրդի համար առաջին խնդիրը երկրի եւ Արցախի անվտանգության պահպանման խնդիրն է, եւ եթե այս գերագույն խնդիրները ստորադասվեն իշխանատենչ ուժերի փառասիրությանը, շատ վնասներ կկրենք: Միայն ազգային եւ քաղաքական միասնության դեպքում կարող ենք հաջողության հասնել: Միտինգային քաղաքականությունը պետք է վերացնել:
Ըստ Համլետ Հարությունյանի՝ կասկածի տակ առնել ընտրությունների արդյունքները, առնվազն քաղաքական անհեռատեսություն է: «Րաֆֆի Հովհաննիսյանը բարոյական իրավունք չունի կասկածի տակ դնել մեր ընտրությունները: Եվ ես չգիտեմ, թե Րաֆֆի Հովհաննիսյանը ինչու է 38% ձայն ստացել »,-ավելացրեց պատգամավորը:
Մանե ԶՈՐՅԱՆ
Կարծիքներ