Խելքից՝ պատուհաս
hraparak
21 Ապրիլ 2014 | 16:17
0
Զալցբուրգի ոստիկանները կալանավորել են «ամենահիմար հանցագործին», ինչպես արդեն հասցրել է նրան կոչել մամուլը:
59-ամյա մի գերմանացի դիմել է Զալցբուրգի ոստիկանություն՝ խնդրելով ճշտել՝ արդյոք ինքը հետախուզման մեջ չէ՞:
Իրավապահները, վստահ, որ ոչ մի հանցագործ ինքնակամ չի գա իրենց մոտ ու նման հարց տա, այդուամենայնիվ, համաձայնել են ստուգել տարօրինակ հյուրի մասին տվյալներն իրենց արխիվներում:
Ի զարմանս ոստիկանների՝ պարզվել էր, որ տղամարդը իսկապես հետախուզման մեջ է գտնվում: Նրան կասկածում են խաբեության մեջ, և Վիեննայի դատարանը նրան կալանավորելու հրաման է տվել:
Տարօրինակ հանցագործն անհապաղ ձերբակալվել է ու տեղափոխվել է բանտ, որտեղ էլ ներկայումս գտնվում է:
Կարծիքներ