Երևանի ապագա քաղաքապետը ծանոթացել է իր աշխատասենյակին
![Երևանի ապագա քաղաքապետը ծանոթացել է իր աշխատասենյակին](https://hraparak.am/uploads/images/4044f24ed4185acdcb8983f363416e9c.jpg)
Երևանի քաղաքապետ Տարոն Մարգարյանը Facebook-ի իր էջում գրել է. «Այսօր իմ աշխատասենյակում հյուրընկալել էի փոքրիկ Մերուժանին, ով որոշել է քաղաքապետ դառնալ, երբ մեծանա:
Մերուժանը 5 տարեկան է և հաճախում է Աջափնյակի համար 35 մանկապարտեզը: Նրա հետ ընկերացել եմ դեռևս անցած տարի, երբ Աջափնյակ վարչական շրջան կատարած իմ աշխատանքային այցերից մեկի ժամանակ փոքրիկի մայրը մոտեցավ ու պատմեց Մերուժանի նվիրական ցանկության մասին՝ տեսնել Երևանի քաղաքապետի աշխատասենյակը:
Վերջապես այսօր հանդիպեցինք իմ աշխատասենյակում և, պետք է ասեմ, որ Մերուժանը իրեն տան տիրոջ պես էր զգում:
Քաջառողջություն ու համարձակ երազանքներ Հայաստանի բոլոր մանուկներին։
Կարծիքներ