Ֆրանսիայի ազգայնականները բավարարվեցին միայն առաջին փուլում հաղթանակով

Ֆրանսիայի «թիվ մեկ ազգայնական» Մարին Լե Պենի գլխավորած ծայրահեղ աջ «Ազգային ճակատ» կուսակցությունը, չնայած առաջին փուլի սենսացիոն արդյունքներին (դրանց մասին «Հրապարակ»-ը գրել է), ընտրությունների երկրորդ փուլի արդյունքներով զիջել է իր դիրքերը Ֆրանսիայի բոլոր տարածաշրջաններում: Այս մասին հաղորդում է RIA Novosti-ն:

Հիշեցնենք, որ դեկտեմբերի 6-ին տեղի ունեցած ընտրությունների առաջին փուլում «Ազգային ճակատ»-ը ամբողջ երկրում լավագույնն էր՝ ձայների 27.7 տոկոսով:

Դեկտեմբերի 13-ին, սակայն, առաջին փուլից հետո առաջատար Մարին Լե Պենը և նրա զարմուհին՝ Մարիոն Մարեշալ-Լե Պենը (ում մասին «Հրապարակ»-ը նույնպես գրել է՝ նշելով, որ նա «EUROMAG»-ի վարկածով ճանաչվել է շաբաթվա մարդ), զիջել են իրենց դիրքերն առանց հաղթանակի հնարավորության: Նախնական տվյալներով՝ Լե Պենի օգտին երկրի հյուսիսում իրենց ձայներն են տվել ընտրողների 42.5 տոկոսը, իսկ Մարեշալ Լե Պենի օգտին երկրի հարավ-արևելքում՝ ընտրողների 45.5 տոկոսը: