ՀՀ Նախագահի մամլո խոսնակը «մի բաժակ սառը ջուր լցրեց» քաղաքական շիկացած դաշտի վրա
Մինչ բոլորը սպասում են, որ այսօր նախագահականում տեղի կունենա ՀՀԿ և ՀՅԴ կուսակցությունների համագործակցության մասին համաձայնագրի ստորագրումը, նախագահի մամլո խոսնակ Վլադիմիր Հակոբյանը «մի բաժակ սառը ջուր լցրեց» շիկացած քաղաքական դաշտի վրա:
«ՀՀ Նախագահը հանդես է գալու ելույթով, սակայն այն ոչ թե ՀՅԴ-ի հետ համագործակցության մասին է, այլ Սահմանադրության փոփոխությունների կենսագործման վերաբերյալ է» / tert am/:
Այլ բովանդակության հայտարարություն է արել ԱԺ ՀՀԿ խմբակցության ղեկավար Վահրամ Բաղդասարյանը.
«ՀՀԿ- ՀՅԴ համագործակցության մասին հայտարարությունը կարվի մինչեւ օրվա վերջ:
Նախատեսվում է թիմի հավաք, որից հետո Հանրապետության նախագահը հայտարարություն կանի: Թե ինչ ձևաչափով է լինելու համագործակցությունը և որ պորտֆելների շուրջ արդեն կա համաձայնություն, խմբակցության ղեկավարը փակագծերը չբացեց՝ հորդորելով սպասել մինչեւ երեկո»: /news. am/
Հիշեցնեմ, որ այսօր նախագահական նստավայր են հրավիրվել երկրի բարձրաստիճան պաշտոնյաները: Մնում էր մտածել, որ քննարկվելու է երկրի թիվ մեկ «կարևորագույն խնդիրը»՝ ՀՅԴ համագործակցության ձևաչափը,- ինչպես նշում էր Վահրամ Բաղդասարյանը:
Բայց պարզվում է, որ էլ ավելի կարևոր խնդիրներ կան, որոնք քաղաքական այս իրարանցման մեջ մոռացել ենք: Ու դա հիշեցնում է ՀՀ նախագահի մամլո խոսնակը:
ՀԳ Այս երկու հայտարարություններից ինչ որ եզրահանգման եկա՞ք... Թե ինչու են երկրի բարձրաստիճան պաշտոնյաները հավաքվում նախագահական նստավայրում: Ինքս մի բան հասկացա: Նախագահը ոչ մի բան նրանց չի ասում, դնում է ծիծաղելի վիճակի մեջ: Դա էլ շախմատային քայլ է:
Հասմիկ Բաբաջանյան
Կարծիքներ