«Չորրորդ իշխանություն». Այս թոհուբոհում հանգիստ են միայն դաշնակները

«Չորրորդ իշխանություն» թերթը գրում է. «Այս թոհուբոհում հանգիստ են միայն դաշնակները: Իրենք ճշտով են ստացել իրենց փայ երեք նախարարական աթոռները, և անկախ կառավարական փոփոխություններից, այդ աթոռներին ձեռք տվող չի լինի։ Երեկ այդ մասին ուրախ-ուրախ ավետեց ԱԺ ՀՅԴ պատգամավոր Աղվան Վարդանյանը։ Թեպետ, եթե հետևենք քաղաքագիտության այբուբենին, վարչապետի հրաժարականից հետո հրաժարականի դիմումներ են ներկայացնում կառավարության բոլոր անդամները։ Հետո գալիս է նոր վարչապետը, որոշում ով լինի իր թիմում, ում դիմումը բավարարի։ Բայց դաշնակները՝ ինչպես ասացինք, ոչ թե քաղաքական, այլ «ճշտի» այբուբենով են ստացել պաշտոնները, իսկ ճիշտը մի հատ է՝ անկախ վարչապետների փոփոխություններից»,–գրում է թերթը։

Մանրամասները՝ թերթի այսօրվա համարում։