«Ինձ կյանքում ամենաքիչը պետք է Ձեր շնորհակալությունը». Զուրաբյանը` Մուկուչյանին (տեսանյութ)
Սահմանադրական դատարանում արդեն երրորդ օրն է` շարունակվում է «Կոնգրես-ՀԺԿ» դաշինքի դիմումի քննությունը` ընտրությունների արդյունքներն անվավեր ճանաչելու պահանջով:
Այժմ դիմող կողմի ներկայացուցիչ, ՀԱԿ փոխնախագահ Լևոն Զուրաբյանը հարցեր է ուղղում պատասխանող կողմ հանդիսացող ԿԸՀ նախագահ Տիգրան Մուկուչյանին:
Զուրաբյանը հարցրեց Մուկուչյանին` տեսախցիկների տեղադրումը նպաստե՞ց օրինականության պահպանմանը, թե՞ ոչ:
Մուկուչյանն ասաց. «Կարծում եմ` դրանք ունեցան կարևոր նշանակություն լիակատար թափանցիկության ապահովման համար»։
Զուրաբյանը ճշտեց. «Այնուամենայնիվ Դուք գտնո՞ւմ եք, որ դա դրական ազդեցություն է ունեցել»:
Մուկուչյանն ասաց. «Եթե ակնկալում եք դրա վերաբերյալ իմ շնորհակալությունը, ես դա կհայտնեմ իմ եզրափակիչ ելույթում»:
«Ինձ կյանքում ամենաքիչը պետք է Ձեր շնորհակալությունը» -հեգնեց Զուրաբյանը:
Վահե ՄԱԿԱՐՅԱՆ
Կարծիքներ