Մեր ժողովուրդն ունի լիակատար իրավունք ընտրելու իր ղեկավարներին
Միջազգային կազմակերպությունների հայտարարությունները ենթադրում են նրանց կողմից մեր իրավունքների, ընտրական գործընթացի և դրա արդյունքների ճանաչում, հատկապես, երբ նրանք պատրաստ են մասնակցել մեր իշխանությունների հետ բանակցություններին։ Այս մասին հայտարարել է Արցախի նախկին պետնախարար Արտակ Բեգլարյանը։
«Արցախի Հանրապետության նոր նախագահի ընտրության վերաբերյալ հայտարարություններ անող միջազգային խաղացողները պետք է հաշվի առնեն հետևյալը.
Մեր ժողովուրդն ունի լիակատար իրավունք ընտրելու իր ղեկավարներին՝ հիմնվելով ինքնորոշման մեր իրականացրած իրավունքի, ինչպես նաև ժողովրդավարական պետության կառուցման և զարգացման մեր արդյունավետ և երկար տարիների փորձի վրա։
Ի տարբերություն ավտորիտար Ադրբեջանի, մենք սովորաբար մեր ղեկավարներին ընտրում ենք ժողովրդավարական ճանապարհով։
Ցավոք, ադրբեջանական ցեղասպանական շրջափակման և ագրեսիայի սպառնալիքների պատճառով մենք ստիպված ենք անցումային շրջանում խորհրդարանի միջոցով ընտրել մեր նոր նախագահին։ Առանց միջազգային դիտորդների համապետական և ուղղակի ընտրությունների այս անցկացումը մեր քաղաքական իրավունքների լուրջ խախտում է։
Միջազգային կազմակերպությունների հայտարարությունները ենթադրում են մեր իրավունքների, ընտրական գործընթացի և դրա արդյունքների ճանաչում, հատկապես, երբ նրանք պատրաստ են մասնակցել մեր իշխանությունների հետ բանակցություններին»,- գրել է Բեգլարյանը Telegram-ի իր ալիքում։
Կարծիքներ