Հայաստանյան բանկերն էլ են որոշել արցախցիներին «գցել»
Արցախում գրանցված տասնյակ կազմակերպությունների ղեկավարներ, ովքեր այլեւս չեն ցանկանում շարունակել իրենց գործունեությունը Հայաստանում, կանգնել են փաստի առաջ։ Կենտրոնական բանկը, եւ ոչ միայն, սառեցրել է Հայաստանում վերագրանցում չիրականացրած կազմակերպությունների բանկային հաշիվները եւ հրաժարվում է վերադարձնել արցախցիների գումարները։ Մեզ դիմած քաղաքացին ասաց, որ իրենց կազմակերպությունը բանկում ունի 300 միլիոն դրամ, սակայն բանկն անհեթեթ եւ իրավական ոչ մի հիմք չունեցող պատճառաբանությամբ հրաժարվում է այդ գումարը տալ։
«Հայաստանում չգրանցված արցախյան կազմակերպությունները զրկվել են հայաստանյան բանկերում ունեցած գումարները տնօրինելու իրավունքից։ Կենտրոնական բանկը հրաժարվում է տալ, ասում է՝ բանկի համար անհասկանալի է՝ կա՞ այդ կազմակերպությունը, թե՞ ոչ։ Մինչդեռ կազմակերպությունը պայմանագիր ունի նրանց հետ, եւ բանկը պարտավոր է վերադարձնել գումարները։ Արցախցիներին վերաբերող ինչպես մնացած հարցերում է բարդակ վիճակ, նույնն էլ բանկային համակարգում է»,- ասաց մեր աղբյուրը։
Կարծիքներ