Ղարաբաղում ռուս-թուրքական համագործակցությունը երկարատեւ քաղաքականության տարր չէ․ Դմիտրի Մեդվեդեւ
![Ղարաբաղում ռուս-թուրքական համագործակցությունը երկարատեւ քաղաքականության տարր չէ․ Դմիտրի Մեդվեդեւ](https://hraparak.am/uploads/images/image_750x_6017eff3b322b.jpg)
Ռուսաստանի ԱԽ նախագահի տեղակալ Դմիտրի Մեդվեդեւը կարծում է, որ Մոսկվայի եւ Անկարայի համագործակցությունը Լեռնային Ղարաբաղում երկարատեւ քաղաքականության տարր չէ։ Այս մասին նա հայտարարել է ռուսական մի շարք ԶԼՄ-ներին տված հարցազրույցի ընթացքում։
Անդրադառնալով Ղարաբաղյան հակամարտության մեջ Թուրքիայի ներգրավվածությանը, Մեդվեդեւը նշել է, որ այն Ռուսաստանի կարեւոր առեւտրային գործընկերն է եւ շատ մոտ երկիր Ադրբեջանի համար, ինչը հնարավոր չէ հաշվի չառնել։
Այդուհանդերձ, Մեդվեդեւը կարծում է, որ ռուսները ունեն արդյունավետ երկխոսություն Թուրքիայի հետ եւ Պուտինը մշտական կապի մեջ է Էրդողանի հետ այդ հարցով։ Ռուս-թուրքական մոնիթորինգային կենտրոնը Մեդվեդեւի կարծիքով կայունացման ընդհանուր բաղադրիչ է, սակայն ինքը հակված չէ այդ բաղադրիչը դիտարկել որպես երկարատեւ քաղաքականություն, կամ կառուցել ինչ որ կոնսպիրոլոգիական տեսություններ։ «Պարզապես պետք է ընդունենք այն իրողությունները, որոնք կան մեր ռեգիոնում։ Իսկ իրականությունն այն է, որ այդ հարցը պետք է քննարկել նաեւ թուրք գործընկերների հետ»,- նկատել է Մեդվեդեւը։
Կարծիքներ