Կադիրովը ռուս-ուկրաինական հակամարտությունն անվանել է 3-րդ համաշխարհային պատերազմ
Եթե Ռուսաստանի հակառակորդներին անվանենք համաշխարհային հանրություն, ապա Ուկրաինայի հակամարտությունը կարելի է համարել երրորդ համաշխարհային պատերազմ, ասել է Չեչնիայի ղեկավար Ռամզան Կադիրովը, փոխանցում է РИА Новости-ն։
«Եթե վերցնենք այն եվրոպական պետություններին, որոնք այսօր մասնակցում են Ուկրաինայի հակամարտությանը, դրանք են ՆԱՏՕ-ն, ՆԱՏՕ-ի բլոկը և այլ հարակից պետությունները, եթե այդ… պետություններին անվանենք համաշխարհային հանրություն, ապա կարող ենք ասել. սա երրորդ համաշխարհային պատերազմն է»,- ասել է Կադիրովը իր օգնականի սոցցանցում ուղիղ եթերի ժամանակ։
Միաժամանակ նա ընդգծել է, որ այնպիսի խոշոր պետություններ, ինչպիսիք են Չինաստանը, Հնդկաստանը, Պակիստանը, չեն մասնակցում «ռազմական միջոցառումներին»։
«Ինչքան զենք ունեն, ինչքան մարդ… Եթե նայեք, այն իրավիճակը, որ կատարվում է եվրոպական պետությունների տարածքում՝ հանրահավաքներ, խնդիրներ ունեն, իրենց ղեկավարներին հանում են… մենք ոչ մեկին չենք հեռացնում, մենք ունենք. հանգիստ, աշխատանքային միջավայր։ Ոչ խնդիրներ չկան, նախագահը հանդիպումներ է անցկացնում, կոնֆերանսներ, կատարում իր աշխատանքը»,- ասել է Չեչնիայի ղեկավարը։
Կարծիքներ