Պատգամավորական սենյակներում էդ ի՞նչ եք անում, որ մի հատ էլ լրագրողներին սահմանափակում եք․ Թովմասյան
![Պատգամավորական սենյակներում էդ ի՞նչ եք անում, որ մի հատ էլ լրագրողներին սահմանափակում եք․ Թովմասյան](https://hraparak.am/uploads/images/image_750x_6114efdb648d4.jpg)
«Լրագրողները չեն վազելու պատգամավորի հետևից, որովհետև դա անհարգալից վերաբերմունք է թե´ լրագրողի նկատմամբ, թե´ պատգամավորի նկատմամբ»,- քիչ առաջ Ազգային ժողովում ասել էր ԱԺ նախագահ Ալեն Սիմոնյանը։
«Մենք պատգամավորներ ենք, որոնք հաշվետու են հանրությանը, մենք պետք է լինենք մաքսիմալ թափանցիկ, և ցանկացած գործունեություն պետք է լինի հանրությանը տեսանելի»,- լրագրողների հետ զրույցում ասաց «Պատիվ ունեմ» խմբակցության պատգամավոր Թագուհի Թովմասյանը՝ անդրադառնալով Սիմոնյանի մտքերին։
«Այսինքն՝ այդ ի՞նչ եք անում սենյակներում, որ լրագրողների սենյակ գալը համարում եք արժանապատվության ոտնահարում։ Սա ուղղակի անընդունելի է: Լրագրողների տեղաշարժի այս սահմանափակումները նրանց իրավունքների դասական ոտնահարում է»,- հավելեց Թովմասյանը։
Կարծիքներ