Քունը կարգավորող 5 կարեւոր մթերք
Եթե տառապում եք քնելու հետ կապված խնդիրներից, ապա նախեւառաջ պետք է կարգավորեք ձեր սննդակարգն ու հետեւեք, թե ինչն՝ ինչպես եք ուտում:
Ներկայացնում ենք 5 թոփ մթերքներ, որոնք կնպաստեն ձեր քնի կարգավորմանը։
Հնդկահավը պարունակում է մեծ քանակությամբ սպիտակուց և տրիպտոֆան ամինաթթու, որը մեծացնում է մելատոնինի արտադրությունը։ Իսկ մելատոնինը հորմոն է, որը կարգավորում է ձեր ներքին ժամացույցը և ազդանշան է տալիս մարմնին քնի պատրաստվելու համար:
Ընկույզներ (հատկապես նուշ և բրազիլական ընկույզ) – սրանք օգնում են քնել մագնեզիումի բարձր պարունակության պատճառով: Բավականաչափ մագնեզիումի օգտագործումը կարող է բարելավել քնի որակը, հատկապես նրանց համար, ովքեր տառապում են անքնությունից: Բացի այդ, այն կարող է օգնել նվազեցնել սթրեսի հորմոնի՝ կորտիզոլի մակարդակը, որը նույնպես խանգարում է քնին:
Յուղոտ ձկները, ինչպիսիք են՝ սաղմոնը և սկումբրիան, աներևակայելի առողջարար են: Դրանում պարունակվող օմեգա-3 ճարպաթթուների և վիտամին D-ի համադրությունը բարելավում են քնի որակը, քանի որ երկու նյութերն էլ ուսումնասիրվել են սերոտոնինի արտադրությունը մեծացնելու համար: Իսկ սերոտոնինը գիշերը վերածվում է մելատոնինի և օգնում է կարգավորել քնի ցիկլը։
Երիցուկի թեյը դրական է ազդում քնի որակի վրա։ Մասնավորապես, երիցուկի թեյը պարունակում է ապիգենին։ Այս հակաօքսիդանտը կապված է ուղեղի որոշ ընկալիչների հետ, որոնք կարող են խթանել քնկոտությունը և նվազեցնել անքնությունը:
Կիվին բարձրացնում է սերոտոնինի մակարդակը: Նույն հատկություններն ունեն նաև բանանը, որը պարունակում է նաև շատ մագնեզիում և կալիում։
Որպեսզի քունը կարգավորող մթերքներից և ըմպելիքներից օգուտ ստանաք, օգտագործեք դրանք քնելուց 3 ժամ առաջ, քանի որ քնելուց անմիջապես առաջ ընթրելը կամ սնվելը կարող է մարսողական խնդիրներ առաջացնել:
Կարծիքներ