Ո՞ր խմբակցություններն ու ովքե՞ր են առավել շատ օրենսդրական նախաձեռնություններով հանդես եկել
Նախկին Ազգային ժողովները մշտապես քննադատվում էին այն պատճառով, որ վերածվել էին դակիչ մարմնի․ 80 և ավելի տոկոս նախագծերը բերում է կառավարությունը, ոչ թե պատգամավորները, որոնք արագ-արագ՝ մի քանի արտահերթերում քվեարկում էին նախագծերը՝ դարձնում օրենքներ։
Հետաքրքիր է, թե Հայաստանի ամենաերիտասարդ՝ 7-րդ գումարման ԱԺ-ում այս իմաստով ի՞նչ պատկեր է, և ո՞ր խմբակցություններն են առավել շատ հանդես եկել օրենսդրական նախաձեռնություններով։
ԱԺ 7-րդ գումարման 3-րդ նստաշրջանի օրակարգում ընդգրկված 29 հարցերից՝ նախագծերից 8 նախագիծ ունի ԱԺ նախագահ Արարատ Միրզոյանը, 9 նախագիծ՝ ԼՀԿ-ն, 3-ական՝ «Իմ քայլից» Գևորգ Պապոյանը և ԲՀԿ-ից՝ Սերգեյ Բագրատյանը, 1-ական՝ ԲՀԿ խմբակցությունից՝ Տիգրան Ուրիխանյանը, իմքայլական Արտակ Մանուկյանը (վերջինս՝ նաև Արսեն Ջուլֆալակյանի հետ համահեղինակությամբ) և 1 նախագիծ՝ Ալեն Սիմոնյան, Սիփան Փաշինյան, Նաիրա Զոհրաբյան կազմով։ Այս բաժնում կառավարության որևէ նախագիծ չկա։
ԱԺ պաշտոնական կայքի «օրակարգում չներառված նախագծեր» բաժնում 143 նախագծերից արդեն կառավարության ներկայացրած նախագծեր և ԱԺ որոշման նախագծեր կան։ ԲՀԿ-ից կրկին ակտիվ է Սերգեյ Բագրատյանը, «Իմ քայլից» առավել շատ նախագծեր ունեն Արտակ Մանուկյանը և Նիկոլայ Բաղդասարյանը, Վարազդատ Կարապետյանը, Աննա Կարապետյանը, Արմեն Խաչատրյանը, Գևորգ Պապոյանը, Բաբկեն Թունյանը, ԲՀԿ-ից՝ Նաիրա Զոհրաբյանը, Վահե Էնֆիաջյանը կամ Նաիրա Զոհրաբյան և ԲՀԿ խմբակցության այլ անդամներ։
Կարծիքներ