Սենատի հայանպաստ բանաձևին միակ դեմ քվեարկածը՝ իր որոշման մասին
Ֆրանսիայի Սենատում ընդունված բանաձևն՝ ուղղված Ադրբեջանի դեմ, ոչ մի ուժ չունի։ Այդ մասին հայտնել է Ֆրանսիայի Սենատի անդամ Նատալի Գուլեն։
«Ես դեմ եմ քվեարկել այս փաստաթղթին, քանի որ վստահ եմ, որ Ադրբեջանը ճիշտ ուղու վրա է։ Ինչպես միշտ լինում է, բանաձեւն ընդունվել է Ֆրանսիայում հայկական ուժեղ լոբբիի ազդեցության տակ»,- ասել է բանաձեւին դեմ քվեարկած միակ սենատորը։
«Այս բանաձեւը որեւէ բացասական ազդեցություն չի ունենա Ադրբեջանի վրա։ Փաստաթուղթը պարտադիր ուժ չունի: Նա չի կարողանա փոխել Ֆրանսիայի կառավարության դիրքորոշումը։ Եվ ընդհանրապես, չմոռանանք, որ Մինսկի խումբը՝ Ֆրանսիայի համանախագահությամբ, այլեւս գոյություն չունի»,-ընդգծել է ադրբեջանամետ գործիչը։
Հիշեցնենք, որ նոյեմբերի 15-ին Ֆրանսիայի Սենատը 295 կողմ և 1՝ դեմ ձայների հարաբերակցությամբ ընդունել էր 6 սենատորների ներկայացրած բանաձը, որում դատապարտվում է Ադրբեջանի ագրեսիան, Ֆրանսիայի կառավարությանն առաջարկվում պատժամիջոցներ սահմանել ադրբեջանցի պաշտոնյաների նկատմամբ ու այդ երկրից արտահանվող նավթի ու գազի դեմ էմբարգո սահմանել։ Բացի այդ, փաստաթղթում կոչ է արվում դուրս բերել ադրբեջանական զորքերը Հայաստանի տարածքից ու Լաչինի միջանցքից, ինչպես նաև Ֆրանսիայի իշխանություններին հորդորում՝ հումանիտար գրասենյակ բացել Ղարաբաղում և ճանաչել Արցախի անկախությունը։
Կարծիքներ