Ցանցահենները համացանցում գաղտնի փաստաթղթեր են սկսել վաճառել
![Ցանցահենները համացանցում գաղտնի փաստաթղթեր են սկսել վաճառել](https://hraparak.am/uploads/images/2022/08/image_750x_630c675c985d7.jpg)
Ցանցահենների մի խումբ համացանցային տարածքում ՆԱՏՕ-ի նորագույն սպառազինությունների մասին գողացված փաստաթղթեր է սկսել վաճառել։ Այս մասին հայտնում է BBC-ն։
Փաստաթղթերում մասնավորապես տեղեկություններ են այն մասին, թե դաշինքը ինչ սպառազինություններ ունի Բալթյան երկրներում կամ ինչ մանեւրեր է իրականացնում այնտեղ։ Ցանցահենները կարողացել են հասանելիություն ձեռք բերել այդ փաստաթղթերի հետ, որոնք կապված են խոշորագուն զինագործական ընկերություններից մեկի՝ MBDA Missile Systems-ի հետ։
Նշենք, որ այս ընկերության կենտրոնակայանը գտնվում է Ֆրանսիայում։ Ընկերությունից արդեն հայտնել են, որ այդ փաստաթղթերը գողացել են՝ ցանցահենային հարձակման արդյունքում։ Ներկայումս ՆԱՏՕ-ի մասնագետները գնահատում են իրականացված «արտահոսքի» ծավալները։
Կարծիքներ