Կիևին կթույլատրվի ավելի խորը հարվածներ հասցնել ՌԴ տարածքին. Օ՛Բրայեն
![Կիևին կթույլատրվի ավելի խորը հարվածներ հասցնել ՌԴ տարածքին. Օ՛Բրայեն](https://hraparak.am/uploads/images/2024/07/image_750x_6684efa3af04a.jpg)
Միացյալ Նահանգները կհամաձայնի խորացնել Ուկրաինայի հարձակումները Ռուսաստանի վրա, եթե ռուսական բանակը փորձի ընդլայնել ճակատը։ Այս մասին Ներկայացուցիչների պալատի արտաքին հարաբերությունների հանձնաժողովում լսումների ժամանակ հայտարարել է ԱՄՆ պետքարտուղարի Եվրոպայի հարցերով օգնական Ջեյմս Օ'Բրայենը:
Նրա խոսքով՝ ռուսական զորքերը այժմ կորցնում են իրենց հարձակողական հնարավորությունները։
«Մենք կտրուկ փոփոխություններ ենք տեսնում Ուկրաինայի վրա հարձակվելու՝ Ռուսաստանի հնարավորությունների մեջ»,- ասել է պաշտոնյան:
Նա ընդգծել է, որ ԱՄՆ-ի առաջնահերթությունը սպառազինություն տրամադրելն ու մեծ կարիք ունեցող տարածքներում դրա կենտրոնացումն է։
«Առաջինը, սա այն տարածքն է, որտեղ Ռուսաստանը հարձակում է իրականացնում Խարկովի մոտ: Եվ հիմա, ինչպես անցյալ շաբաթ ասաց ԱՄՆ ազգային անվտանգության հարցերով խորհրդական Ջեյք Սալիվանը, եթե Ռուսաստանը փորձի ընդլայնել այս ճակատը, Ուկրաինային թույլ կտան ավելի մեծ հեռահարությամբ գրոհեկ ՌԴ տարածքի թիրախներին»,-եզրափակել է Օ՛Բրայենը:
Կարծիքներ