ՆԱՏՕ-ն ողջունում է սահմանազատման հարցով ՀՀ-ի և Ադրբեջանի որոշումը
Hraparak
22 Ապրիլ 2024 | 12:00
0
ՆԱՏՕ-ն աջակցում է Հայաստանի և Ադրբեջանի միջև հարաբերությունների կարգավորմանն ուղղված ջանքերին։
Այս մասին X սոցիալական ցանցի իր էջում գրել է Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան։
«Մենք ողջունում ենք Հայաստանի և Ադրբեջանի միջև պայմանավորվածությունը Ալմաթիի 1991 թվականի հռչակագրի վերաբերյալ՝ որպես սահմանների սահմանազատման հիմնական փաստաթուղթ:
Երկու երկրների տարածքային ամբողջականության ճանաչումը հիմնարար սկզբունք է։ Ինչպես նշել է գլխավոր քարտուղար Յենս Ստոլտենբերգը տարածաշրջան կատարած այցի ժամանակ, ՆԱՏՕ-ն աջակցում է կարգավորման ջանքերին»,- ընդգծել է Կոլոմինան։
Կարծիքներ