Տուգանել են 10 հազար դոլարով՝ դիմակ կրելուց հրաժարվելու համար

Միացյալ Նահանգներում օդանավի ուղեւորին տուգանել են 10,5 հազար դոլարով այն բանի համար, որ հրաժարվել է դիմակ կրել։ Տուգանքը տրվել է ԱՄՆ Ավիացիոն դաշնային վարչության կողմից։ Հայտնի է, որ դեպքը տեղի է ունեցել փետրվարի քսանյոթին։

Տուգանված ուղեւորը մեկնել է Յութա նահանգից դեպի Արիզոնա։ «Ուղեկցորդը յոթ անգամ հիշծեցրել է, որ պետք է դիմակ կրել, ինչպես որ հարկն է, եւ ամեն անգամ ուղեւորը իջեցրել է այն քթից ներքեւ, հենց որ ուղեկցորդը հեռացել է»,- ասված է հաղորդագրության մեջ։

Այնուհետեւ նա վիճել է ուղեկցորդի հետ եւ հրաժարվել է անձը հաստատող փաստաթուղթ տրամադրել։ Բացի այդ, նա մեղադրել է ուղեկցորդին ագրեսիվության մեջ։