«Ամասիա-Արփի» դաշինքը եւ ՀՀԿ-ն կոալիցիա կկազմեն՝ ՔՊ-ին զրկելով համայնքապետից
![«Ամասիա-Արփի» դաշինքը եւ ՀՀԿ-ն կոալիցիա կկազմեն՝ ՔՊ-ին զրկելով համայնքապետից](https://hraparak.am/uploads/images/image_750x_61b1df9368ffb.jpg)
Տեղեկացանք, որ երեկ «Ամասիա-Արփի» դաշինքն ու ՀՀԿ-ն հայտարարել են կոալիցիոն միավորման մասին, ըստ որի՝ նրանք միացյալ կստանձնեն խոշորացված համայնքի ղեկավարումը և 6+3՝ 9 մանդատով կկազմեն մեծամասնություն: Ճիշտ է, պայմանավորվածությունը դեռևս բանավոր է, բայց մանդատներն ստանալուց հետո այն կամրապնդվի հուշագրի տեքսով:
Ամասիա համայնքի ղեկավարումը կշարունակի անկուսակցական Ջեմմա Հարությունյանը:
Մենք գրել էինք, որ Շիրակի մարզի խոշորացված Ամասիա համայնքում դեկտեմբերի 5-ի ՏԻՄ ընտրություններին քվեարկության մասնակցել է 3195 քաղաքացի , անվավեր քվեաթերթիկների թիվն էր 62:
Առաջատար էր «Քաղաքացիական պայմանագիր» կուսակցությունը՝ 1218 ձայնով: Երկրորդ տեղում «Ազատություն» ու «Համերաշխություն» արտախորհրդարանական կուսակցությունների միավորմամբ ստեղծված «Արփի-Ամասիա» դաշինքն էր, որը ՔՊ-ին զիջում էր չնչին ձայներով: ՀՀ նախկին վարչապետ Հրանտ Բագրատյանի «Ազատություն»-ը «Համերաշխության» հետ Ամասիայում կարողացել է 1199 վստահության քվե տանել: Հայաստանի Հանրապետական կուսակցությունը 717 ձայնով երրորդ տեղում էր: Եթե վերջիններս միավորվեն, ապա ՔՊ-ն այստեղ ևս կզրկվի միանձնյա համայնքային իշխանություն ձևավորելու եւ համայնքապետ ունենալու հնարավորությունից:
Հիշեցնենք, որ «Ախուրյան» եւ «Հաղթանակ» ընդդիմադիր դաշինքները ևս հանդես էին եկել համագործակցության մասին հայտարարությամբ, ըստ որի՝ Ախուրյան համայնքում միասնաբար կձեւավորեն տեղական իշխանություն:
Կարծիքներ