Չինաստանի վարչապետի վրա Թուրքիայում կոշիկ են նետել ու պատռել նրա լուսանկարը

Թուրքիա ժամանած Չինաստանի վարչապետ Վեն Սիաբաոյին Անկարայում դիմավորել են ցույցերով: Թուրքական Radikal օրաթերթի փոխանցմամբ, բողոքի ակցիան կազմակերպվել է Արևելյան Թուրքիստանի մշակույթի և համերաշխության միության կողմից Hilton հյուրանոցի մոտ, որտեղ իջևանել էր Չինաստանի վարչապետը: Ցուցարարները Չինաստանի իշխանություններին մեղադրել են անցած տարի Չինաստանի ցուցարար ույղուրների նկատմամբ ուժ կիրառելու համար և պատռել Վեն Սիաբաոյի լուսանկարը: Իսկ այն պահին, երբ Չինաստանի վարչապետը դուրս է եկել հյուրանոցից և նստել մեքենան հանդիպումների մեկնելու նպատակով, ցուցարարներից մեկը մեքենայի հետևից կոշիկ է նետել, որը չի հասել իր նպատակակետին:



Tert.am