Նման պայման պետք չէ

Մեր երեկվա համարում «Համշենահայերի «վտանգավորությունն» ենք քննարկում» նյութում, Վարդգես Օվյանն անդրադարձել էր ՀՅԴ անդամ Կիրո Մանոյանի՝ ասուլիսում արված այն հայտարարությանը, թե համշենահայերին ընդունելով Արցախում՝ պետք է  «նրանց առջեւ կրոնափոխ լինելու եւ քրիստոնեություն ընդունելու պայման դրվի»։ Երեկ պրն Մանոյանը մեզ գրություն էր ուղարկել, որտեղ անդրադարձել էր այդ հոդվածին:



Պարզվում է՝ ասուլիսի լուսաբանման ժամանակ ինտերնետային կայքերից մեկը սխալ՝ տրամագծորեն հակառակն է ներկայացրել նրա ասածը, իսկ Արցախում ապրող Վ. Օվյանն օգտվել է այդ կայքից: Պրն Մանոյանը մեզ գրել է, որ ինքը ճշտում է պահանջել, ինչը տեղադրվել է նշված կայքում, սակայն հավանաբար վրիպել է մեր հոդվածագրի ուշադրությունից: Իրականում ասվել է «ճիշտ հակառակը»՝ նման պահանջ «պետք չէ» դրվի։