Տո հեր օրհնածը չբռնի՞ իրեն էլ աշխատանքից ազատի ...
Ոստիկանապետը, խեր լինի, գրիչն առել և «ենթակաների վրայով խազ է քաշում»:
Չեմ ուզում և՛ վերջ: Չի համապատասխանում համազգեստին և՛ վերջ: Համազգեստից պիտի հանել և՛ վերջ:
Վերջին շրջանում ազատումների մասով փորձում է հասնել նախագահին, բայց դե նախագահն էլ հո տեղը կանգնա՞ծ չի...
Այսօր էլ իմացա, որ «մինի եղեռնի նման մի բան է եղել».
Վլադիմիր Գասպարյանի հրամանով ոստիկանության անձնագրային եւ վիզաների վարչության Երևանի Մաշտոցի բաժինն իր ողջ կազմով ազատվել է աշխատանքից: Պաշտոնանկ են արվել բաժնի ղեկավարն ու բոլոր ենթակաները / news. am/ :
Քիչ առաջ նրա հրամանով աշխատանքից ազատվել են ոստիկանության Կոտայքի մարզային բաժնի պետ Սերոբ Հարությունյանը, Շիրակի մարզային բաժնի պետ Գրիշա Ամիրխանյանը եւ Արագածոտնի ոստիկանապետը։
Աշխատանքից ազատվել է նաեւ Ոստիկանության Քանաքեռ Զեյթունի բաժնի պետ Ավետիք Աբրահամյանը:
Թափով է աշխատում մեր ընկեր Գասպարյանը: Մանավանդ երբ լսում ենք, որ ազատման պատճառը եղել է քաղաքացիների հետ ոչ պատշաճ վերաբերմունքը, մի տեսակ մեզ ՀՀ քաղաքացի՜ ենք զգում:
Երբ ազատումների առթիվ փորձեցի իմ ուրախությունը կիսել մի ոչ պատշաճ վայրում / ի՞նչ թաքցնեմ՝ /մի երկու չուզող մենտի մոտ/ , մեկը իբր թե կատակ արեց.
- Տո հեր օրհնածը չբռնի՞ իրեն էլ հրամանով ազատի աշխատանքից...
ՀԳ Ինչպես Վովա Գասպարյանը կասի՝ չարակամներ:
Հասմիկ Բաբաջանյան
Կարծիքներ