«Ժողովուրդ». Նորարարություն՝ լրագրողներից տվյալները թաքցնելու համար

Արդեն մի քանի օր է՝ դատական դեպարտամենտի պաշտոնական կայք էջը` datalex.am կայքը, սկսել է գործել նոր դիզայնով եւ նոր սկզբունքներով: Այս փոփոխության արդյունքում դատական գործերում ներկայացված կողմերի տվյալներն այլեւս հնարավոր չէ տեսնել: Նախկինում կայքի ցանկացած այցելու կարող էր հեշտությամբ պարզել, թե այս կամ այն գործով հայցվորը, պատասխանողը, մեղադրյալը կամ մեղադրողը, փաստաբանները ովքեր են: Սովորական այցելուների համար այդ տվյալները ոչ մի նշանակություն չունեին: Փոխարենը լրագրողների համար «դատալեքսը» հարուստ տվյալների շտեմարան էր: Դրա միջոցով տեղեկանում էինք պաշտոնյաների վերաբերյալ դատական գործերի մասին, թե օրինակ՝ որ պաշտոնյան կամ գործարարը որքան հարկ է թաքցրել ու «հայտնվել» դատարանում, ինչը նրանք, բնականաբար, թաքցնում էին ու նույնիսկ հերքում: Հիմա ՀՀ վճռաբեկ դատարանի նախագահ Արման Մկրտումյանի ձեռամբ այդ համակարգն այլեւս թույլ չի տալիս դատական կողմին նույնականացնել: Ակնհայտ է, որ սա արվել է լրագրողներից տվյալները թաքցնելու համար:

Կարդացեք «Ժողովուրդ» թերթի այսօրվա համարում: