«168 ժամ». Սարգսյան-Պուտին հանդիպմանն այս հարցը եւս քննարկվել է
hraparak
19 Մարտ 2016 | 06:31
0
«168 ժամ»-ը գրում է. «Գազային բանակցությունները Հայաստանի համար դրական հետեւանքներ կունենան, քանի որ գազի գինն էլ ավելի կնազվի Հայաստանի համար՝ պայմանավորված նավթի գներով: Իմ հաշվարկներով՝ այդ իջեցումը կկազմի մոտավորապես 15-20 տոկոս, հաշվի առնելով նավթի գների անկումը: Սակայն կարեւոր է նաեւ հասկանալ, թե ինչպես է գազի գինը փոխվում սահմանին»,-մեր թղթակցի հետ զրույցում այս մասին ասել է Ռուսաստանի «Ազգային էներգետիկ անվտանգության հիմնադրամի» հիմնադիր եւ գլխավոր տնօրեն, վերլուծաբան Կոնստանտին Սիմոնովը՝ անդրադառնալով գազի գնի վերանայման հարցով ընթացող հայ-ռուսական բանակցություններին: Նրա համոզմամբ՝ Սարգսյան-Պուտին հանդիպմանն այս հարցը եւս քննարկվել է: Հարցին, թե Դմիտրի Մեդվեդեւի՝ ապրիլին սպասվող այցի ժամանակ որոշակիություն կմտնի՞ այս հարցում, Սիմոնովը պատասխանել է, որ չի կարելի բացառել: «Այցի օրակարգին ծանոթ չեմ, բայց վստահ եմ, որ վարչապետները չեն շրջանցի այս հարցը, քանի որ բանակցություններն ընթացքի մեջ են»,-ասել է նա:
Կարծիքներ