Մենք չենք պայքարում տարածքների համար, պայքարում ենք մեր հայրենի երկրի համար. Բակո Սահակյան

«Այն, որ դուք այսօր այստեղ եք, փաստում եք, որ միջազգային հանրության ուշադրությունը ուղղված է Արցախին: Բայց մենք ցանկանում ենք, որ միջազգային հանրության ուշադրությունն ուղղված լինի Արցախին ոչ միայն պատերազմական և ռազմական գործողություններ իրականացնելու շրջանում».- պատասխանելով արտասահմանցի լրագրողի հարցին, նշել է ԼՂՀ նախագահ Բակո Սահակյանը, ընդգծելով այն միտքը, որ անհասկանալի անջրպետ է ստեղծվել Արցախի և աշխարհի միջև:

«Մենք ընտրել ենք այդ ուղին, մեր սեփական ճակատագիրը կառուցելու ուղին, ժողովրդավարական սկզբունքների ուղին, ցանկություն հայտնելով հայտ ներկայացնել միջազգային հանրությանը, որպեսզի լինենք նրա լիիրավ անդամ: Աղավաղված է Ադրբեջանի կողմից ներկայացումը հիմնախնդրի: Նրանց կողմից այս հիմնախնդիրը մշտապես ուղեկցվում է յուրահատուկ հիստերիայով և այդ հիստերիան ցուցաբերելու ժամանակ նրանք հաճախակի խոսում են՝ ամեն անգամ մատնանշելով տարածքներ տարածքներ և այլն: Ես դրա համար եմ նշել, որ այս հիմնախնդիրը ծնվել է մեկ դար առաջ, և մենք այսօր այստեղ չենք պայքարում տարածքների համար, մենք այսօր պայքարում ենք մեր հայրենի երկրի համար: Այդ ձևակերպումները տարածքի մեջ տեսնել չեն համապատասխանում մեր ընկալմանը: Նաև հնարավորություն ունեցել եմ ներկայացնելու, որ մենք Արցախում չենք իրականացնում ծառայություն ուղղված Արցախի բնակչության ֆիզիկական անվտանգության ապահովմանը, այսօր հայ ժողովուրդը պայքարում է իր արժանապատվության համար և մենք այս արժանապատվության պայքարի առաջնամարտիկներ ենք»:

Հիշեցնենք, որ ԼՂՀ նախագահ Բակո Սահակյանը մամուլի ասուլիսով է հանդես գալիս այս պահին: