«Նոր Հայաստանի» հայտարարությունը
hraparak
20 Ապրիլ 2016 | 13:06
0
«Նոր Հայաստան» հանրային փրկության ճակատը հանդես է եկել հայտարարությամբ, որտեղ նշում է, որ անընդունելի են տարածքների զիջումը եւ օտար զորքերի տեղակայումն Արցախում:
Հայտարարությունում, մասնավորապես, ասվում է.
«Ադրբեջանի ապրիլյան ագրեսիան բոլորի համար ակնհայտ դարձրեց մեր դիրքորոշումը, որ անընդունելի են բոլոր այն առաջարկները, որոնք ենթադրում են.
1. ազատագրված տարածքների զիջում,
2. Արցախի տարածքում օտար զորքերի տեղակայում:
«Նոր Հայաստան» հանրային փրկության ճակատը խոնարհվում է Արցախի տարածքային անձեռնխելիությունը անձնազոհաբար պաշտպանած Հայկական բանակի սպաների ու զինվորների առաջ, ինչպես նաեւ ողջունում է բոլոր այն սպաներին ու զինվորներին, ովքեր այսուհետ եւս պատրաստ են պաշտպանելու մեր միացյալ Հայրենիքի սահմանները»:
Կարծիքներ