Կամ երկաթգիծն ենք փակելու, կամ էլ Բաղրամյանի այսօրվա հյուրը մենք ենք լինելու. ջրառատցիները պատրատվում են Երեւան գալ
Օրեր առաջ անդրադարձել էինք, որ գրեթե ողջ օրը Արմավիրի մարզի Ջրառատ համայնքը հոսանքազրկված է եղել: Հոսանքի մեծ տատանում է եղել, մի շարք գյուղացիների կենցաղային տեխնիկան շարքից դուրս է եկել: Այդ օրը՝ ուշ երեկոյան, միայն գյուղի էլեկտրիկը, հոսանքի լարերը իրար միացնելով, գյուղն ապահովվել է հոսանքով, դրանով իսկ խնդիրը լուծված համարել: Սակայն այսօր վաղ առավոտյան կրկին ջրառատցիները ահազանգում են, որ գյուղում հոսանք չկա. «Այս խնդիր տարիներ շարունակ լուծում չի ստանում, ասել ենք ու ասում ենք՝ էլեկտրացանցը անտերության է մատնված, իսկ էլեկտրիկները՝ անգործության, մինչեւ Էջմիածնի էլեկտրացանցի անձնակազմին չազատեն աշխատանքից իրենց անգործության պատճառով, մենք այս վիճակին կլինենք: Մեզ պետք է, որ ՀԷՑ-ի մարդիկ գան եւ խնդրին լուծում տան, հակառակ դեպքում՝ ստիպված ենք ծայրահեղ քայլերի դիմել: Հայաստանում արդեն հարցերը այսպես պետք է լուծվի, կամ երկաթգիծն ենք փակելու, կամ էլ Բաղրամյանի այսօրվա հյուրը մենք ենք լինելու, մեզ այլ տարբերակ չի մնացել: Գյուղում էնքան շատ են խնդիրները, որ այլեւս հնարավոր չի լռել»,- վրդովված բողոքում էին գյուղացիները:
Նելլի Կարապետյան
Կարծիքներ