«Ժողովուրդ». Առջևում ընտրություն է, ոստիկանության գործը՝ շատ

«Ժողովուրդը» գրում է. «ՀՀ ոստիկանության ընթացիկ ծախսերի համալրման, ինչպես նաեւ կապիտալ ծախսերի կատարման հիմնական աղբյուրները արտաբյուջետային ֆոնդերն են: 2017 թ-ի բյուջեով ոստիկանությանը նախատեսվում է հատկացնել մոտ 40 միլիարդ դրամ, ինչը մոտ 1 միլիարդով գերազանցում է նախորդ տարվա ցուցանիշը: ՀՀ ոստիկանության աշխատողների աշխատավարձերը, հավելավճարները եւ քաղաքացիական ծառայողների պարգեւատրումները 2017-ի համար ծրագրավորվել են մոտ 31 մլն դրամի չափով, որը 2016 թ. պետական բյուջեի նկատմամբ աճել է 3.2 մլն դրամով: Ուշագրավ է, որ գրեթե նույնքան ավելացել է նաեւ պաշտպանության նախարարությանը տրվելիք գումարի չափը: Եվ սա այն պարագայում, որ Հայաստանը փաստացի գտնվում է պատերազմական վիճակում: Ըստ երեւույթին, իշխանությունը գիտակցում է. խորհրդարանական ընտրությունների նախաշեմին ու նաեւ դրանից հետո սպասվելիք ընդվզումները անխուսափելի են լինելու եւ մարդկանց դեմ, ինչպես միշտ, պետք է կիրառվի իշխանության «վահանը»` ոստիկանությունը: Իսկ մեր սահմանների անվտանգությունն ապահովող ՊՆ-ն «կսպասի»:

Կարդացեք թերթի այսօրվա համարում: