Բենզեման հնարավոր է վերադառնա Ֆրանսիայի հավաքական
Մադրիդի «Ռեալի» առաջատար հարձակվող Կարիմ Բենզեման չի հրավիրվում Ֆրանսիայի հավաքական դեռ 2015 թվականից՝ Մատյո Վալբուենայի շանտաժի գործով մեղադրվելու համար: Սակայն վերջին օրերին ֆրանսիական մարզական մամուլը գրում է, որ շուտով ֆուտբոլիստին կրկին հնարավոր է հնարավորություն տրվի հանդես գալ ազգայինի մարզաշապիկով։
Բանն այն է, որ Ֆրանսիայի ֆուտբոլի ֆեդերացիայի նախագահի թեկնածու Միշել Մուլենը պատրաստակամություն է հայտնել ընտրվելու դեպքում 33-ամյա հարձակվողին կրկին տեսնել Ֆրանսիայի հավաքականի կազմում։
«Բենզեման պետք է խաղա Ֆրանսիայի հավաքականում։ Դեշամն այդ հարցում Ֆրանսիայի ֆուտբոլի ֆեդերացիայի ենթական է: Ես, ընտրվելու դեպքում, կստիպեմ Դեշամին՝ Բենզեմային հրավիրել հավաքական», - ասել է Ֆրանսիայի ֆուտբոլի ֆեդերացիայի նախագահի թեկնածուն ։
Կարծիքներ