Ինչ ինքը ընտրվել է՝ բազմիցս լսել ենք հրաժարականի մասին

Երեւանի ավագանու անդամ, Քաղպայմանագիր խմբակցության ներկայացուցիչ Աշոտ Սարգսյանը պատասխանեց մեր մի քանի հարցին։

- Երեւանի քաղաքապետ Հրաչյա Սարգսյանը ժամեր առաջ հայտարարեց, որ հրաժարական է տալիս։ Ըստ Ձեզ, ինչո՞ւ որոշեց հրաժարական տալ եւ ինչ է պատրաստվում նա անել։

- Ես չեմ կարող ասել Հրաչյա Սարգսյանի հետագա քայլերը որոնք են, կմնա քաղաքապետարանում, թե ոչ, բայց քիչ առաջարկներ չի ստանա, քանի որ փորձառու գործիչ է: Հրաժարականն անակնկալ չէր, ճիշտն ասած, ինչ ինքը ընտրվել է՝ բազմիցս լսել ենք, բայց սա իր որոշումն է․․․

- Երեւանը գնում է նոր ընտրություններ։ Հերթականի ժամկետը սեպտեմբերն էր։ Այս արտահերթ հրաժարականից հետո, երբ կլինեն ընտրությունները։ Արդյո՞ք նաեւ արտահերթ ընտրություններ կկայանան։

- Էս պահին ընտրության որոշում չկա, բայց չի բացառվում, որ արտահերթ լինի։

- Փաստորեն, Ավինյանի ընտրվելուն եք պատրաստվում։

- Դե, հիմա քաղաքապետի ժամանակավոր պաշտոնակատար ունենք՝ տեղակալն է, բայց ես կարծում եմ, որ երևանցին կընտրի Ավինյանին։

- ՔՊ խմբակցության ավագանու անդամներն այս պահին համախմբվա՞ծ են, տարաձայնություններ չկա՞ն։
 
- Իհարկե, համախմբված ենք։ Գործնական առումով, բնական է, տարբեր կարծիքներ լինում են, քննարկում ենք

- Այս պահին, որո՞նք են հրատապ խնդիրները։

- Եթե քաղաքին է վերաբերում, միշտ կան, ունեցել ենք խնդիրներ, սկսած տրանսպորտի խնդրից, որոնք փորձում ենք լուծել։ Մեխանիզմ է, անընդհատ լուծման պահանջ ունի։