Մտածում եք՝ պատերազմը քանի դռան զանգը չի տվել, ուրեմն ներս չի՞ գալու
![Մտածում եք՝ պատերազմը քանի դռան զանգը չի տվել, ուրեմն ներս չի՞ գալու](https://hraparak.am/uploads/images/2023/03/image_750x_6426916ceac11.webp)
Հայաստանի անվտանգային, քաղաքագիտական, միջազգային հարաբերությունների, ռազմական ոլորտի ողջ ադեկվատ ու իրատես էքսպերտային հանրույթը, գումարած ընդդիմադիր քաղաքական դաշտը խոսում և նկարագրում է այն հանգամանքը, որ Արցախի և Հայաստանի անվտանգային իրավիճակը պատային է, հասցված է ծայրաստիճան խոցելի վիճակի: Դիվանագիտական ջանքերն անվտանգային միջավայրի ապահովման ուղղությամբ ծայրաստիճան անգրագետ են և զուտ ֆորմալ, եթե չասենք ավանտյուրիստական և այս իրավիճակում նոր հարձակումներն ու էսկալացիան բացառապես ժամանակի հարց է:
Գումարած դրան կառավարությունն ու նրա ղեկավարը յուրաքանչյուր կառավարության նիստի բացման խոսքում կամ մամուլի հետ շփումներում խոսում է հիմնականում պատերազմի բարձր հավանականության մասին: Ավելին, Արցախում սպասվող ցեղասպանության մասին է խոսում և ի ցույց դնում սեփական իշխանության տոտալ անկարողությունն ու ստեղծված իրավիճակի համար թե՛ ներքին, և թե՛ արտաքին մեղսագրումներ անում՝ մնալով տխմարագույն խաղաղասիրական և անունակ թեզերի հույսին, հավատարիմ մնալով հանձման պլանի սցենարային դետալներին և արարների հաջորդականությանը:
P.S. Պատերազմը ձեր դռան հետևը կանգնած ա, մտածում եք, քանի դռան զանգը չի տվել ուրեմն ներս չի՞ գալու: Անձամբ են բերել հասցրել պատերազմը ձեր տան դռան մոտ, հեսա կակաչները կտնկեն, կուկուռուզներն ու պեռաշկիները կուտեն, աղբը կհավաքեն, որ զանգն էլ անձամբ տան:
Վլադիմիր Մարտիրոսյան
Կարծիքներ