Վայոց Ձորի նոր մարզպետը դժգոհեց նախկին մարզպետից
Վարչապետ Նիկոլ Փաշինյանն այսօր առաջարկեց ու կառավարությունը հաստատեց երեք նոր մարզպետների նշանակումը։ Նրանք են՝ Գեղարքունիքի մարզպետ Գնել Սանոսյանը, Լոռու մարզպետ Անդրեյ Ղուկասյանը և Վայոց Ձորի մարզպետ Տրդատ Սարգսյանը։
Տրդատ Սարգսյանը նիստից հետո լրագրողների հետ զրույցում խոսելով իր նշանակման մասին՝ ասաց, որ ծագումով Վայոց Ձորից է, և միշտ Վայոց Ձորի բնակչությունն իր դժգոհություններն էր հայտնում, որ հեղափոխությունը չի հասել Վայոց Ձոր։
«Եվ երբ առաջարկը ստացա մարզպետ լինելու, առանց երկար մտածելու՝ միանգամից համաձայնվել եմ, որպեսզի հեղափոխության շունչը և հեղափոխությունը հասնի Վայոց Ձոր, և բնակիչներն իրենց կյանքի վրա զգան այդ փոփոխությունները»,-ասաց նա։
Այսինքն՝ նախկին մարզպետը թերացե՞լ է այդ հարցում, նորանշանակ մարզպետն ասաց․ «Ես չեմ ճանաչում նախկին մարզպետին, աշխատանքներում չեմ կարծում, որ հասցրել է ինչ-որ բան անել մի քանի ամսվա ընթացքում։ Ինչ-որ առերևույթ բան չենք տեսել մարզպետի կատարածից մարզում»։
Նրա խոսքով՝ իր գալուց հետո հեղափոխությունն արդեն կհասնի արդեն վերաբերմունքի փոփոխությունից․ «Որովհետև ես չեմ պատրաստվում բնակիչներից վերև կանգնել, ես բոլորի հետ հավասար եմ, և փոփոխությունը շփման մեջ արդեն կզգան բնակիչները։ Իսկ բարեկեցությունը, կյանքի բարելավումն արդեն կփորձենք ամիսների ընթացքում ամեն ինչ անել, աշխատել այդ ուղղությամբ»։
**Hraparak.am**-ի հարցին՝ մինչև հիմա չէ՞ր հասել հեղափոխությունը Վայոց Ձոր և ինչո՞ւ չէր հասել, նորանաշանակ մարզպետը չկարողացավ այդ հարցին պատասխանել․ «Այդ հարցին մի քիչ չեմ կարող պատասխանել, երևի կոռեկտ չի»։
**-Այսինքն՝ ի՞նչ է նշանակում՝ հեղափոխությունը չի հասել մարզ, և պետք է Դուք բերեք այն։**
-Փորձեցի ասել՝ այն վերաբերմունքը, որ բանկիչները չեն զգացել, նույն մարդիկ են եղել պաշտոնին, մարզպետը եղել էր Հանրապետական, հետո դարձավ ԲՀԿ անդամ, և մարդիկ փոփոխություն էին ուզում։
**-Բայց հեղափոխության կառավարությունն ու վարչապետն էին նրան նշանակել։**
-Հեղափոխության կառավարությունը ձևավորվել էր․․․ կոալիցիոն կառավարում չի եղել, համերաշխության կառավարում էր ձևավորվել, և ԲՀԿ-ին էր տրված տվյալ մարզում մարզպետ նշանակելու քվոտան։
**-Այսինքն՝ դժգո՞հ էր վարչապետը, սխա՞լ որոշում էր։**
-Դե, դժգոհ կամ սխալ որոշում չեմ կարող ասել, բնակիչների խոսքն եմ ասում, թե ինչ են ինձ փոխանցել, որ հեղափոխության շունչը չեն զգացել։
**Վահե ՄԱԿԱՐՅԱՆ**
Տրդատ Սարգսյանը նիստից հետո լրագրողների հետ զրույցում խոսելով իր նշանակման մասին՝ ասաց, որ ծագումով Վայոց Ձորից է, և միշտ Վայոց Ձորի բնակչությունն իր դժգոհություններն էր հայտնում, որ հեղափոխությունը չի հասել Վայոց Ձոր։
«Եվ երբ առաջարկը ստացա մարզպետ լինելու, առանց երկար մտածելու՝ միանգամից համաձայնվել եմ, որպեսզի հեղափոխության շունչը և հեղափոխությունը հասնի Վայոց Ձոր, և բնակիչներն իրենց կյանքի վրա զգան այդ փոփոխությունները»,-ասաց նա։
Այսինքն՝ նախկին մարզպետը թերացե՞լ է այդ հարցում, նորանշանակ մարզպետն ասաց․ «Ես չեմ ճանաչում նախկին մարզպետին, աշխատանքներում չեմ կարծում, որ հասցրել է ինչ-որ բան անել մի քանի ամսվա ընթացքում։ Ինչ-որ առերևույթ բան չենք տեսել մարզպետի կատարածից մարզում»։
Նրա խոսքով՝ իր գալուց հետո հեղափոխությունն արդեն կհասնի արդեն վերաբերմունքի փոփոխությունից․ «Որովհետև ես չեմ պատրաստվում բնակիչներից վերև կանգնել, ես բոլորի հետ հավասար եմ, և փոփոխությունը շփման մեջ արդեն կզգան բնակիչները։ Իսկ բարեկեցությունը, կյանքի բարելավումն արդեն կփորձենք ամիսների ընթացքում ամեն ինչ անել, աշխատել այդ ուղղությամբ»։
**Hraparak.am**-ի հարցին՝ մինչև հիմա չէ՞ր հասել հեղափոխությունը Վայոց Ձոր և ինչո՞ւ չէր հասել, նորանաշանակ մարզպետը չկարողացավ այդ հարցին պատասխանել․ «Այդ հարցին մի քիչ չեմ կարող պատասխանել, երևի կոռեկտ չի»։
**-Այսինքն՝ ի՞նչ է նշանակում՝ հեղափոխությունը չի հասել մարզ, և պետք է Դուք բերեք այն։**
-Փորձեցի ասել՝ այն վերաբերմունքը, որ բանկիչները չեն զգացել, նույն մարդիկ են եղել պաշտոնին, մարզպետը եղել էր Հանրապետական, հետո դարձավ ԲՀԿ անդամ, և մարդիկ փոփոխություն էին ուզում։
**-Բայց հեղափոխության կառավարությունն ու վարչապետն էին նրան նշանակել։**
-Հեղափոխության կառավարությունը ձևավորվել էր․․․ կոալիցիոն կառավարում չի եղել, համերաշխության կառավարում էր ձևավորվել, և ԲՀԿ-ին էր տրված տվյալ մարզում մարզպետ նշանակելու քվոտան։
**-Այսինքն՝ դժգո՞հ էր վարչապետը, սխա՞լ որոշում էր։**
-Դե, դժգոհ կամ սխալ որոշում չեմ կարող ասել, բնակիչների խոսքն եմ ասում, թե ինչ են ինձ փոխանցել, որ հեղափոխության շունչը չեն զգացել։
**Վահե ՄԱԿԱՐՅԱՆ**
Կարծիքներ