Հայկական կոնյակը արտադրվում է Վրաստանո՞ւմ
![կոնյակ](/images/2011/01/arbun-konyak-e1296206014949.jpeg)
Սակայն երեւանյան խանութներում արդեն կարելի է տեսնել Ոսկեվազի կոնյակի գործարանի արտադրանքը, մասնավորապես՝ «ՍԱՍ» սուպերմարկետների ցանցում «Հայասի» անունը կրող կոնյակներ են վաճառվում: Գյուղապետը բացատրեց, որ փորձարկվել է ընդամենը մի երկու արտադրամաս: «Նոր գործարան է, մինչեւ հունի մեջ մտնի, ամիսներ պետք կլինեն»,-ասաց նա:
Գյուղապետի խոսքով՝ ամբողջ թափով աշխատելու դեպքում գործարանում մոտ 500-700 աշխատատեղ կբացվի, կարտադրվեն գինի, կոնյակ, գարեջուր, օղի եւ այլ ըմպելիքներ, ինչպես նաեւ հնարավոր կլինի արտադրանքն արտահանել նաեւ հարեւան երկրներ: Մինչդեռ, մեր տեղեկություններով, ներկայումս կոնյակի համար անհրաժեշտ հումքն էլ (ոմանք ասում են՝ պատրաստի կոնյակը) ներկրվում է հարեւան Վրաստանից, եւ գործարանում այն ընդամենը շշալցվում է:
Մի բան պարզ է՝ այս տարի գործարանը խաղողի մթերումներ չի իրականացրել, եւ Վրաստանից սպիրտը ներկրելու պարագան շատ իրական է: Բայց եթե այդպես շարունակվի նաեւ առաջիկայում, կնշանակի՝ խաղողագործությունը խթանելու եւ մարզին ու երկրին օգուտ տալու մասին խոսք լինել չի կարող:
Կարծիքներ