Տիգրան Սարգսյանին հանգիստ թողեք, պարոն Նիկոյան

Սամվել Նիկոյանն, աչքիս, Տիգրան Սարգսյանի մահն է ուզում:

Ի դեպ ի՞նչ է պատահել, պարոն Նիկոյան, Ձեր նկարը մի շաբաթ է արդեն Tert.am-ից չի իջնում: Խեր լինի: Իսկ ձեր տղայի գործե՞րը ոնց են: Հա, հա, վարչապետի մոտ: Ամեն ինչ OK է՞: Եթե սխալվում ենք ու այդպիսի բան չկա, հուշեք, կուղղենք:

Բա էս ինչեր եք ասել: Ո՞նց թե Հայաստանի տնտեսական աճը պայմանավորված է հզոր տերությունների աճի տեմպերով: Ահա՝ սևով սպիտակի վրա գրել եք՝ Ռուսասանում 1,2 տոկոս է, այդ պատճառով էլ մեզ մոտ 5,2 կամ 7 տոկոս չբարձրացավ, ընդամենը 3,5 տոկոսի վրա մնաց:

Բա չգիտեի՞ք, պարոն Նիկոյան, որ վարչապետ Տիգրան Սարգսյանը մենագրություն ունի այն մասին, որ համաշխարհային գործընթացները, օրինակ ֆինանսատնտեսական ճգնաժամերը Հայաստանի վրա չեն ազդում:

Ստացվում է, որ ձեզնից մեկը սուտ է ասում:

Հա, չմոռանանք նորից կրկնել հարցը՝ այս ի՞նչ է պատահել, որ ձեր նկարը մի շաբաթ է չի իջնում Tert.am-ի էջերից:

Էդ.Ա.