Արթուր Աբրահամը մալադեց կլինի, որ մի հատ էլ մեր պաշտոնյաներին տփի
Վերջին շրջանում Արթուր Աբրահամը քաղցրացել է. մեկ այս, մեկ այն նախարարը լուսանկարվում է նա հետ, պատվոգիր տալիս, եսիմ էլ ինչ: Ոնց որ թե մեր պաշտոնյաներին դուր է գալիս, որ չքաղաքականացված ու ժողովրդի սերը վայելող բռնցքամարտիկի հանդեպ իրենց ուշադրությունն ու հոգատարությունն են ցույց տալիս: Թող մի տեսնեն, հասկանան, թե ում հետ ենք նստում- վեր կենում: Անցած օրը, երբ Սպորտի ու երիտասարդության հարցերով նախարարի հետ հանդիպեց, մի տեսակ հավատացի, որ Հայաստանում արդեն սահմանադրական բարեփոխումներ են իրականացվում: Իսկ վերջում, երբ նախարարը շնորհակալագիր էր հանձնում, հրճվանքս անսպառ էր՝ մալադեց Արթուր: Կողքիս մի չկամ լրագրող կար, քթի տակ նվագեց՝ մալադեց կլինի, որ մի հատ էլ մեր պաշտոնյաներին տփի: Տեսնենք՝ կարա՞ էդ գոտին պահի:
Մեղա, մեղա: Վտանգավոր գոտուց անձայն հեռացա ու համակարգչի առաջ լռվեցի: Մե՜կ էլ ինչ տեսնեմ: Քոչարյանի տղան էլ է արդեն Արթուրի հետ հանդիպումներ կազմակերպում ու լուսանկարվում: Ուրեմն բանը բանից անցել է,- մտածեցի,- Արթուրին նոր «բոյ է ապասվում»: Հակառակորդը, պետք է հաշվի առնել, լավ պատրաստված է:
ՀԱՍՄԻԿ ԲԱԲԱՋԱՆՅԱՆ
Կարծիքներ