Հունաստանում կայացած հանրաքվեն շոկի է մատնել Եվրոպան
![Հունաստանում կայացած հանրաքվեն շոկի է մատնել Եվրոպան](https://hraparak.am/uploads/images/7d5143e67d771a311c5578e140c26e94.jpg)
Հունաստանում երեկ կայացել է հանրաքվե, որի ժամանակ երկրի բնակիչները պետք է պատասխանեին հարցին՝ պատրա՞ստ են արդյոք ընդունել միջազգային վարկատուների՝ Եվրոպական հանձնաժողովի, Եվրոպական կենտրոնական բանկի և Արժույթի միջազգային հիմնադրամի առաջարկները:
Հունաստանի ժողովրդի 61 տոկոսը դեմ է արտահայտվել առաջարկներին:
Եվրոյի գոտու աշխատանքային խումբը, որի կազմում են բարձրաստիճան ֆինանսիստներ գոտու բոլոր 19 երկրներից, այսօր կհանդիպեն և կքննարկեն հանրաքվեի արդյունքները:
Նախատեսվում է նաև եվրոգոտու ֆինանսների նախարարների հանդիպման նախապատրաստությունը:
Իր հերթին Գերմանիայի կանցլեր Անգելա Մերկելը մտադիր է մեկնել Փարիզ՝ Ֆրանսիայի նախագահ Ֆրանսուա Օլանդի հետ Հունաստանում տեղի ունեցած հանրաքվեի արդյունքները քննարկելու:
Ինչպես հաղորդում է կանցլերի մամուլի ծառայությունը՝ նա Ֆրանսիա կմեկնի երեկոյան՝ «քննարկելու հունական հանրաքվեից հետո ստեղծված իրավիճակն ու շարունակելու այդ հարցի շուրջ Գերմանիայի և Ֆրանսիայի սերտ համագործակցությունը»:
Նման հայտարարություն է արել նաև Օլանդի մամուլի ծառայությունը:
Կարծիքներ